БЕОҐРАД – Републична виберанкова комисия (РВК) преглашела кандидатуру Александра Вучича за виберанки за предсидателя Сербиї, хтори буду отримани 2. априла. Функционере СНС и коалицийних странкох придали 60 000 подписи за кандидатуру, з хторих 56 516 подписи валидни, сообщене з РВК.
Александра Вучича за предсидателя Сербиї предложела Коалиция Сербскей напредней странки, Социялистичней партиї Сербиї, Социядемократскей партиї Сербиї, Єдинственей Сербиї, Партиї зєдинєних пензионерох Сербиї, Руху социялистох, Сербского руху обнови, Руху моц Сербиї и Союзу войводянских Мадярох.
Александар Вучич за тераз перши преглашени кандидат, а розпорядок кандидатох за предсидателя на збирней лїстинии будзе одредзени зоз жребом.
После за Вучича, до РВК придати и 17 866 подписи потримовки за Сашу Янковича, котрого за предсидателя Сербиї предложела Ґрупа гражданох „За Сербию без страху”, и понеже утвердзена валидносц подписох, РВК и Янковича преглашела за кандидата на виберанкох за предсидателя Сербиї.
За кандидованє за предсидателя Сербиї потребне назберац 10 000 подписи потримовки гражданох.