Александар Вучич у Керестуре достал 947 гласи

автор зам
1.1k Опатрене

РУСКИ КЕРЕСТУР – Спрам перших, неурядових резултатох, у Руским Керестуре на вчерайших виберанкох за предсидателя Сербиї найвецей гласи достал Александар Вучич, кандидат владаюцей коалициї на чолє зоз Сербску напредну странку (СНС), хтори у Керестуре достал вєдно 947 гласи, цо 46,65 одсто з числа виберачох котри вчера гласали.

На виберанкох за предсидателя Сербиї у Руским Керестуре на штирох виберацких местох вчера, 2. априла, гласали 2 030 гласаче, цо 50,07 одсто зоз 4 054 уписаних до виберацкого списку.

2-Kerestur-02

По нєурядових податкох, на другим месце по числу достатих гласох у Керестуре Ненад Чанак, кандидат Лиґи социялдемократох Войводини, котри достал 316 гласи, лєбо 15,56 одсто, а на трецим месце Саша Янкович, спред Ґрупи гражданох (ҐГ) „За Сербию без страху”, котри достал 285 гласи, лєбо 14,03 одсто.

По числу освоєних гласох на штвартим месце Лука Максимович спред ҐГ „Любиша Прелетачевич Били-Лєм моцно”, котри достал 279 гласи, лєбо 13,74 одсто, пияти кандидат ҐГ „Мушиме лєпше” Вук Єремич, котри достал 89 гласи, лєбо 4,38 одсто, а на шестим месце кандидат Руху „Досц було” Саша Радулович, котри достал 41 глас, цо 2,01 одсто гласох виберачох котри у Керестуре вчера гласали.

2-Kerestur-03

Кандидат Сербскей радикалней странки др Воїслав Шешель достал 19 гласи, Бошко Обрадович спред Сербского руху Двери достал 16 гласи, Мирослав Парович спред Народного слободарского руху достал 7 гласи, а по 3 гласи достали проф. др Александар Попович спред Демократскей странки Сербиї и Милан Стаматович спред ҐГ „За здраву Сербию”.

2-Kerestur-04

Шицки виберацки места були отворени на 7, заварти на 20 годзин, виберанки у Керестуре прешли без проблемох, а було оможлївене гласанє и старшим и другим особом котри пре здравствени, лєбо даяки други причини нє могли присц на гласанє. Вчера до 11 годзин ше до своїх виберацких одборох приявел 31 гласач, котри у присустве членох виберацкого одбору гласал у своїх обисцох.

2-Kerestur-05

ПОВЯЗАНИ ТЕКСТИ