Аматере КУД „Жатва” наступели у України

автор злк
1.1k Опатрене

КОЦУР – Прешлого викенду члени коцурского Културно-уметнїцкого дружтва „Жатва” наступели у України, на 19. всеукраїнским фестивалу лемковскей култури „Дзвони Лемковщини”, котри отримани 4. и 5. авґуста у Монастириску у Тернопольскей обласци.

Фестивал „Дзвони Лемковщини” медзинародного характеру на котрим наступели вецей як 70 амсамбли зоз України, Канади, Польскей, Словацкей и Сербиї. Всоботу програма тирвала аж до вчасних ранших годзинох, ютредзень и того вечара на фестивалу було коло 25 000 нащивительох.

Фолкораше и соло шпиваче КУД „Жатва” виведли седем точки, а тамтейша публика их наградзела зоз моцним аплаузом.

На Фестивал пошли „Жатвово” фолклораше котри танцую у старшей ґрупи, а виведли три танци. Фолклорашох КУД „Жатва” пририхтали хореоґрафе Владимир Иван Вева и Микола Ґайдош.

Дарина Михняк, Єлена Чордаш, Катарина Кулич и Наташа Тамаш наступели як соло шпиваче, и одшпивали штири шпиванки, а Марко Буила Дарину Михняк провадзел на гушлї. Соло шпивачки за наступ пририхтовала руководителька музичней секциї Весна Раґаї-Цап

Коцурски фолклораше и соло шпиваче до України пошли зоз предсидательом КУД „Жатва” Миколом Шантом, подпредсидательку „Жатви” Весну Раґаї-Цап и помоцним хореоґрафом Миколом Ґайдошом, а путованє на Фествал финансийно потримал Завод за културу войводянских Руснацох и Покраїнски секретарият за културу.

ПОВЯЗАНИ ТЕКСТИ