КОЦУР – Вчера, 7. марца, у полней сали Дома култури у Коцуре школяре нїзших класох Основней школи „Братство-єдинство“ отримали красну програму з нагоди Медзинародного дня женох, 8.марца.
Богату програму, на котрей було вкупно 17 точки, пририхтали учительки зоз школярами од першей по штварту класу.
Школяре рецитовали по руски и сербски, одшпивали пейц шпиванки, приказали три ритмицки и два сценски точки, як и єдну инструменталну точку.
