БЕОҐРАД – Министер просвити Младен Шарчевич вчера на РТС наявел же ше у школох будзе санкционовац неприкладне облєканє школярох и школяркох, як и наставнїкох и наставнїцох.
– Санкционовац ше будзе тото цо треба, школа муши буц дошлїдна – гварел министер Шарчевич, бешедуюци о зявеньох нєприкладного облєканя у школох.
Як гварел, школи маю воспитну улогу и школяром маю давац добри приклади, так же, по його словох – школи буду оценьовани и по вонкашнїм випатрунку, чи будинок ушорени, алє и чи дзеци дисциплиновани и пооблєкани як спада.