ҐОСПОДЇНЦИ – Ґосподїнчанє, вирни грекокатолїцкей церкви Святого архангела Михаїла, найвекше християнске швето, Вельку ноц тиж означую по юлиянским календаре.
На Вельки пияток, на 13 годзин, була Вечурня, а внєдзелю 8. априла, на Вельку ноц, на поладнє була Служба Божа после хторей пошвецани кошарки з пасхалним єдзеньом. Службу служел о. Борис Холошняй, а шпивали члени фамелиї Холошняй.
– Євангелисти сцели повесц же Христос воскреснул до єдного другого живота. Ми, християнє, мушиме знац же воскресенє анї нє врацанє до жемского живота, анї нє повторйованє того живота, алє початок єдней новей стварносци. Прето швето Христового воскресеня полне радосци, бо преславюєме живот у його полноти, гварел у казанї о. Михаил Холошняй.
У тижню за нами и у тей церкви було нагоди за споведанє, и старих и нєрухомих особох.
Нєшка, на Треци дзень Велькей ноци, Служба Божа будзе на 12 годзин.
