КОЦУР – Вчера, 17. априла, у римокатолїкей церкви у Коцуре дзеци котри ходза на виронауку по Служби Божей отримали кратку програму з тему Воскресеня Исуса Христа.
На програми дзеци шпивали и рецитовали, а у стихох описали Исусово страданє и воскресенє. Програма, хтору з дзецми пририхтала Ґабриєла Зупко, була на сербским и мадярским язику.
По законченю програми шицки дзеци у церкви од Вельконоцного заячка достали дарунки, хтори за нїх обезпечели и пририхтали священїки и члени Церковного одбору коцурскей римокатолїцкей церкви.