КОЦУР – Вчера, 2. априла, у Церковней сали грекокатолїцкей церкви у Коцуре отримани цалодньови Вельконоцни вашар, хтори орґанизовал парохийни Каритас.
Нащивителє могли купиц рижни вельконоцни прикраски, паски, писанки и други ручни роботи з тему Велькей ноци, а предавали их викладаче з Коцура и Вербасу.
Цени були символични, нащивителє надосц куповали, а могло видзиц и интересантни способи писаня и украшованя писанкох.
Вельконоцни вашар бул гуманитарного характеру, так же назберани пенєж з предаваня будзе похасновани за потреби Каритасу.
