ВЕРБАС – Општина Вербас активовала сучасну апликацию за провадзенє и контролованє стану и безпечносци у транспорту, по чим є перша у Войводини.
На порталу мож превериц податки о драгох, їх характеристикох и безпечносци, алє и опатриц индикатори за справованє учашнїкох у транспорту у вербаскей општини и сушедних векших општинох. Ту мож видзиц и податки о транспортних нєщесцох, о їх актерох и пошлїдкох, а годно видзиц и рижни становиска и вичерац искуства о проблемох у транспорту.
На портал мож приступиц з општинского веб-сайту (www.vrbas.net), алє и прейґ линку: https://cloud.gdi.net/cmv/ дзе як мено хаснователя и шифру треба удуркац vrbas.
За портал направени окремни софтвер, на хторим робел Виглєдовацко-розвойни центер АМСС и компания „ҐДИ солушнс”, у сотруднїцтве з локалну самоуправу и Полицийну станїцу Вербас.