ВЕРБАС – По остатнїм попису, просекове обисце у Вербаше тераз першираз ма менєй як трох членох.
З општинску одлуку о финансийней помоци, за родичох першонародзеней беби видвоює ше 10 000 динари, а фамелия у хторей ше народзи треце дзецко, мешачно достава 12 000 динари у дворочним периодзе.
„Ми у тей одлуки предвидзели одредзени бенефициї за шицки фамелиї хтори маю штварте, пияте и кажде наиходзаце дзецко. Вони ше одноша на хаснованє безплатного змесценя до предшколских установох”, виявел руководитель Оддзелєня за дружтвени дїялносци Општини Вербас.