РУСКИ КЕРЕСТУР – Предсидатель Скупштини општини Кула Велибор Милоїчич розписал виберанки за нове зволанє Совиту Месней заєднїци Руски Керестур. На виберанкох, котри буду отримани 8. юлия, будзе ше гласац за нових єденац членох Совиту.
Виберанки буду запровадзени по виберацким списку котри утвердзени за вибор предсидателя Републики котри були отримани 2. априла 2017. року, зоз вименками и дополнєнями котри настали после запровадзених виберанкох за предсидателя.
Од вчера, 6. юния, почал период предвиберанковей кампанї за лїстини котри ше буду кандидовац на наступних виберанкох за Совит Месней заєднїци Руски Керестур. Виберанки за членох Совиту запровадза компетентни орґани на основи Статуту Месней заєднїци Руски Керестур.