БЕОҐРАД – Министер державней управи и локалней самоуправи Бранко Ружич бешедовал нєшка зоз шефом Мисиї ОЕБС-а Андреом Орициом, а окремна увага пошвецена националним меншином и факту же 2018. року буду запровадзени виберанки за национални совити националних меншинох.
Ружич и Орицио похвалєли потерашнї проєкти котри Министерство и ОЕБС вєдно орґанизовали, а насампредз тоти котри ше одноша на едукацию занятих у локалней самоуправи и наглашели же ше черанка прикладох добрей пракси указала як найефикаснєйши способ подзвигованя знаня занятих на локалним уровню.
Доказ за тото мож найсц и у сотрудїцтве зоз Министерством нукашнїх дїлох у обезпечованю совитох за безпечносц на локалу, гварел Ружич.
Вон додал же би було добре кед би таки способ комуникациї медзи занятима, бул состойна часц и третнинґа на Националней академиї, наводзи ше у сообщеню.