КОЦУР/ВЕРБАС – Коцурци на виберанкох за предсидателя Сербиї на ютре годни гласац на штирох виберацких местох, а по нєурядових податкох, до виберацкого списку у Коцуре уписани коло 3 500 гласаче.
Два виберацки места у Коцуре буду у Основней школи (єдно у голу на право, друге у голу на лїво), а два у просторийох Месней заєднїци – єдно у Малей, а єдно у Велькей сали Месней заєднїци.
У цалей вербаскей општини за ютрейши виберанки буду отворени 19 виберацки места, а до виберацкого списку уписани 35 889 гласаче.