НОВИ САД – У Розвойним фонду АП Войводини отворени три конкурси за кредитни линиї, наменєни за розвой польопривреди.
За хасновательох кредитох з територийох општинох трецей и штвартей катеґориї розвитосци камати виноша 1 або 2 одсто, док тиж вигодни камати 2 або 3 одсто за хасновательох кредитох з општинох першей и другей катеґориї розвитосци.
За розвой польопривреди опредзелєни три кредитни линиї, отворени два конкурси за длугорочне финансованє – кредити за купованє польопривредней жеми и укладанє до польопривреди, и єден конкурс за краткорочни кредити за польопривредни репроматериял.
За длугорочни кредитни укладаня до польопривреди ґрейс период може буц од 12 до 24 мешаци, а перод одплацованя до 5 роки, док за кредити за купованє жеми ґрейс период 12 мешаци, а период одплацованя 6 роки.
Средства за спомнути кредитни линиї єст цалком досц, а конкурси нєпреривно отворени.