КОЦУР – У просторийох коцурского Етно-клубу „Одняте од забуца“ пияток, 9. юния, отримана схадзка Редакцийного одбору глашнїка Рускей матки „Руснак“, на хторей було слова о розподзельованю средствох достатих од Министерства култури и информованя Републики Сербиї, присутни ше догварели о пририхтованю першого тогорочного числа глашнїка, а розпатрени и план и динамика виходзеня штирох числох „Руснака“ у 2017. року.
На основи конкурсу, за друкованє штирох числох глашнїка „Руснак“ и двох додаткох Рускa маткa од Министерства култури достала 450 000 динари, а на схадзки заключене же єст средства и можлївосци за обвяйованє трох додаткох, и перши будзе каталоґ Етно-клубу „Одняте од забуца“.