Вимога Министерству за формованє предшколского оддзелєня по руски у Дюрдьове

автор зам фото сас
937 Опатрене

БЕОҐРАД – После схадзки Координациї националних совитох националних меншинох, хтора 5. септембра отримана у Беоґрадзе, секретар Националного совиту Руснацох Таня Арва Планчак представительком Министерства просвити придала вимогу ПУ „Дзецинство” зоз Жаблю, односно його Оддзелєня „Дюрдєвак” у Дюрдьове, же би Министерство одобрело формованє ґрупи за Пририхтуюцу предшколску програму по руски лєм з двоїма дзецми, кельо ше того року уписали до тей ґрупи.

У Вимоги наведзене же нарок у Дюрдьове будзе седмеро дзеци за Предшколску програму, та би нє було добре претарговац ґрупу на руским язику пре терашнє менше число дзецох.

По дотерашнїх спознаньох, Школска управа Нови Сад нє одобрела формованє тей ґрупи з двоїма дзецми, о чим ПУ поинформовала НС Руснацох и глєда од нього потримовку, так же ше тераз чека одвит Министерства просвити.

ПОВЯЗАНИ ТЕКСТИ