Вирни ше зишли и у Митровици и Беоґрадзе

автор олр
917 Опатрене

СРИМСКА МИТРОВИЦА/БЕОҐРАД – Числени вирни у Сримскей Митровици Квитну нєдзелю, котра и у тей парохиї преславена вчера, 1. априла, вихасновали и за споведз.

Домашнї парох о. Владислав Варґа обрацел увагу на Службу и на важносц препознаваня Христа як цара, котри основал царство любови, служеня, пребачованя, а на котре и нас поволує у дньох велького Тижня, на Вельки штварток и пияток, кед себе прида як жертву. После Служби подзелєни багнїтки численим вирним и започата догварка о традицийней стражи при Христовим гробе.

Беоґрадски вирни Квитну нєдзелю преславели у Служби на 18 годзин, пред хтору ше споведали, а радосц принєсли и даскельо наймладши, котри парохиянох здогадовали на єрусалимски дзеци хтори щиро витали Исуса з багнїтками. На Вельку Соботу, на 18 годзин, беоґрадски парохиянє буду мац Воскресну Утриню зоз Службу и пошвецаньом паски.

DSC00411

ПОВЯЗАНИ ТЕКСТИ