РУСКИ КЕРЕСТУР – До Катедралней церкви св. оца Миколая пондзелок вечар по Служби Божей и Крачунскей дзевятнїци капелан о. Михайло Шанта принєсол Вифлеємски огень.
Присутни вирни го зоз своїма швичками превжали и однєсли до своїх домох же би там швицел през наиходзаци швета Рождества Христового. А годно то зробиц и наиходзацих дньох понеже швичка зоз Вифлеємским огньом будзе стац у штред церкви цали час.
Вифлеємски огень у запалєней швички зоз Вифлеєму з места Исусового народзеня ше розноши по велїх жемох Европи, та го и того року до наших крайох принєсли представителє Скаутскей орґанизациї „Пластуни” зоз Закарпатя у України.