Вишла майска „Заградка”

автор рим
952 Опатрене

НОВИ САД – Школяре штвартей класи з Коцура участвовали на Републичней смотри дзецинскей народней творчосци, та фотоґрафия з тей подїї на рамику тогорочного майского числа часопису „Заградка”, а вистка о тим на 19. боку. На истим боку и звит з означованя Дня школи у Коцуре, а у рубрики „Висти зоз школох” обявени резултати Медзиокружного змаганя з руского язика, як и текст о керестурских школярох котри и того року барз успишни на змаганьох „Цо знаш о транспорту”.

О чим писала „Пионирска заградка” седемдзешатих и осемдзешатих рокох прешлого вику мож пречитац у рубрики „Заградково родзени днї”, а о залюбйованю у школских лавкох писнї и приповедки написали Михайло Ковач, Мелания Римар, Ксения Варґа, Ана Дудаш, Слободан Станишич и други писателє.

У додатку за наймладших кратки стищки и приповедки богато илустровани, а мали читаче маю позакончовац вифарбйованє.

Окрем порядних школярох сотруднїкох з Руского Керестура, Коцура и Дюрдьова, за майске число литературни и подобово роботи послали и дзеци з Ґосподїнцох, Нового Саду, Вербасу и Шиду.

На забавних бокох лавиринт, ребуси, крижалька, дакус гумору и даскельо язични бависка.

ПОВЯЗАНИ ТЕКСТИ