БЕОҐРАД – Тих дньох вишло трицец друге, януарске число електронского мешачного билтену о живоце меншинских заєднїцох у Сербиї „Minority News” („Меншински висти”), у хторим обявени и текст о преслави Националного швета Руснацох у Сербиї.
У нових „Меншинских вистох” интервю з предсидательом Националного совиту ческей националней меншини у Сербиї Йоже Сивачеком, текст о схадзки представительох Координациї националних совитох з министерку державней управи и локалней самоуправи Ану Брнабич, а билтен приноши и пригварки и суґестиї националних меншинох и Комитету за людски права на Предлог нарису Закона о вименкох и дополнєньох Закона о защити правох и шлєбодох националних меншинох.
Тиж дати и коментари на Нарис звиту о запровадзованю Акцийного плану за витворйованє правох националних меншинох, та вецей тексти о активносцох меншинох у Сербиї.
Билтен уж даскельо роки видава Центер за миґрациї, а мож го опатриц на веб-адреси www.minoritynews.rs