Вишол нови роман академика Тамаша, по руски по конєц рока

автор ядю
793 Опатрене

НОВИ САД – Тих дньох видруковани нови роман академика Юлияна Тамаша на сербским язику „Тисов квет”, у виданю видавательней хижи „Прометей” и Културно-просвитного дружтва „Карпати”.

У роману, през феномен у хторим ше инсекти преображую до кветох и локалну леґенду о оживйованю душох мертвих любовнїкох, шлїдзи история любови Дона Неґри и Димитрия Ерґелашева, хторим Бог подаровал безсмертносц кед сполня його условия. Понеже их вони потупюю, од наставаня швето по нєшка, бере им безсмертносц и осудзує их на щезованє медзи тискима кветами.

Критика кладзе тот роман, по глїбини увиду до тайнох людскей души, обок Ґоґольовому роману „Мертви души”, Достоєвсковому „Записи з мертвого дома” и Булґаковому „Майстор и Марґарита”.

Тот роман на руским язику видзе по конєц того, 2018. року.

ПОВЯЗАНИ ТЕКСТИ