ДЮРДЬОВ – Вчера, на Треци дзень Крачуна по юлиянским календаре, у грекокатолїцкей церкви Рождества Пресвятей Богородици у Дюрдьове Архиєрейску Службу Божу предводзел наш апостолски еґзарх, владика Георгий Джуджар.
– Святе писмо полне радосней надїї и обчекованя же придзе спасенє од Господа Бога и тото обчекованє ше сполнєло – народзел ше син Божи. Пришол нас спашиц и одкупиц од гриху – гварел вчера кир Георгий Джуджар, винчуюци тото найрадоснєйше християнске швето.
З владиком Георгийом сослужели о. Борис Холошняй и о. Михаил Холошняй. На Служби шпивали члени Хору „Розанов”, а по Служби було мированє.
