НОВИ САД – На своїм порядним зашеданю у шедзиску владическей конференциї у Новим Садзе, католїцки владикове у Сербиї 2 октобра потримали кампаню Каритасу з нагоди Шветового дня менталного здравя, котра ше кажди рок означує 10. октобра.
Владикове зоз сликованьом з надписом „Може ше случиц каждому” послали порученє шицким волонтером и активистом цалого националного и владических каритасох у Сербиї, же би потримали тогорочну кампаню процив стиґматизациї особох зоз менталнима почежкосцами и же би кажде поробел голєм дацо на защити и охрани особох котри маю таки почежкосци.
Коло 450 милиони людзох у швеце ма даяке менталне поремеценє, а аж два трецини ше нє усудзує поглєдац помоц пре ганьбу и страх од стиґматизациї.