ШИД – Покраїнски секретар за спорт и младеж Владимир Батез вчера, 9. юлия, зоз сотруднїками нащивел општину Шид.
То його перша роботна нащива и з тей нагоди ше стретнул з найвисшима општинскима руководителями, а отримал и схадзку зоз представнїками спортских здруженьох.
Як гварене после нащиви, Батез пришол спатрац можлївосци помоци ресорного секреатарията проєктом у обласци спорта у шидскей општини.
Батез нащивел и Установу за физичну културу и спортску рекреацию „Партизан”, як и Спортски центер.