Войводина достава 10 милиони еври IPA донациї

автор сен
922 Опатрене

НОВИ САД – У рамикох Стратеґийней поволанки INTERRREG-IPA Програми прейґгранїчного сотруднїцтва Мадярска-Сербия, Войводини одобрени шицки пейц вельки проєкти з хторима конкуровала, сообщели покраїнски секретар за реґионални розвой, медзиреґионалне сотруднїцтво и локалну самоуправу Оґнєн Бєлич и покраїнски секретар за енерґетику, будовательство и транспорт Ненад Ґрбич.  

– Донация за обидва жеми виноши вєдно вецей як 24 милиони еври, цо з 15 одсто учасци виноши 28 милиони 400 000 еври – гварел секретар Бєлич и додал же за Мадярску наменєни коло 14 милиони, а вецей як 10 милиони IPA донациї достанє Сербия.

Потримовка з IPA фонду ше достава за унапредзенє прейґгранїчного управяня з водами и системи управяня з ризиком, за зменшованє узких преходох у прейґгранїчним транспорту и за стимулованє сотруднїцтва у обласци туризму и културного скарбу.

За проєкт „Подмирйованє з воду и розвой водней инфраструктури у гранїчних злївних подручох” одобрени вецей як пейц милиони 900 000 еври, плус 15 одсто учасци. За „Комплексне унапредзованє водопривредних подручох беґелю Бая-Бездан” опредзелєни вецей як седем милиони еври и 15 одсто учасци, док проєкт желєзнїцкей драги Суботица-Бая  достал три милиони еври и 15 одсто учасци. 

Проєкт „Розвой прейґгранїчней драги Кибекгаза-Рабе” достанє штири милиони 500 000 еври и 15 одсто учасци, а „Рижнофарбове сотруднїцтво” вецей як три милиони еври IPA донациї.

ПОВЯЗАНИ ТЕКСТИ