РУСКИ КЕРЕСТУР – Вчера вечар, коло 20,30 годзин на драги у улїци Маршала Тита у Руским Керестуре, запалєл ше авто, а огень швидко загашени дзекуюци благочасовей реакциї огньогасцом Добродзечного огньогасного дружтва.
Як Рутенпрес нєурядово дознава, найвироятнєйша причина огня були електрични инсталациї на авту. Огень вибухнул на авту котри ишол и барз ше швидко преширел. Власнїк авта зоз валалу, спричинєна лєм материялна чкода, а на щесце нєт покалїчених.