РУСКИ КЕРЕСТУР – У Штреднєй школи „Петро Кузмяк”, по школским календаре вчера наставу закончели 25 матуранти Ґимназиї, 11 у руским и 14 у сербским оддзелєню, цо преславели з музику, шпиванку и друженьом у школи, а як то звичай, прешейтали ше и по Керестуре.
Од 28. мая почина покладанє матури кед придаваю матурски роботи, а покладанє тирва по 6. юний. Наставу 30. мая законча и матуранти Туристичного оддзелєня, та того дня будзе и заєднїцки матурски вечар, а после матурских испитох 15. юния шицким матурантом шветочно буду уручени дипломи.