Вчера означени Вельки – Желєни штварток

автор маф
906 Опатрене

РУСКИ КЕРЕСТУР – Вирни рускокерестурскей парохиї св. оца Миколая вчера означели Вельки, або Желєни штварток, дзень кед ше Церква здогадує Исусового остатнього дня пред тим як бул влапени и розопяти.

У Катедралней церкви вечар на 19 годзин Василийову Службу Божу предводзел владика Георгий Джуджар з домашнїма священїками парохом о. Михайлом Малацком и капеланами о. Владимиром Медєшом и о. Михайлом Шантом.

На Вельки штварток ше случела и Тайна вечера на хторей Исус умивал ноги своїм апостолом и з тим чином симоволично поручел же як кажди християн ма любиц єден другого. На тоту памятку и вчера вечар у Катедралней церкви владика Георгий умил ноги 12 членом нового Церковного одбору, на чолє з предсидательом Михайлом Рамачом.

29.03.2018.-Zeljeni stvartok-umivanje nohoh 043_resize

ПОВЯЗАНИ ТЕКСТИ