Вчера отримана 13. схадзка локалного парламенту

автор апм
734 Опатрене

ВЕРБАС – Вчера у Вербаше отримана 13. схадзка локалного парламенту на хторей прилапена Рочна програма защити, ушореня и хаснованя польопривредней жеми за 2018. рок.

По тим документу, вкупна поверхносц предвидзена за даванє до закупу на хаснованє виноши 5 746,2 гектари. За даванє на хаснованє без плацаня надополнєня предвидзени 105,5 гектари и то Польопривредней фаховей служби и Основней школи „Вук Караджич” з Бачкого Доброго Поля.

За даванє до закупу по основи инфраструктури предвидзени 1 040 гектари, за даванє до закупу по основу статкарства видвоєни 3 141 7 гектари, а у лицитациї будзе подзелєне 1 458,8 гектари.

Предсидатель Општини Милан Ґлушац у обгрунтованю програми защити, ушореня и хаснованя польопривредней жеми, звекшанє вкупней поверхносци польопривредней жеми хтору ше дава до закупу и на хаснованє по тей програми, случело ше прето же тераз облапена и жем у будовательним реону на хторим Република Сербия уписана як власнїк.

У предлуженю схадзки одборнїки прилапели и Одлуку о одредзованю компетентного орґану за витворйованє поступку даваня до закупу польопривредней жеми у державней власносци.

ПОВЯЗАНИ ТЕКСТИ