РУСКИ КЕРЕСТУР – ЯП „Войводина драги” вчера предлужело платанє драгох у Руским Керестуре хторе почало тей яри. Вчера ше робело на улїци ЮНА хтору ше поплата у цалей длужини од Беґельскей по Йовґена Семана, дакедишню Теметовску улїцу.
Як дознаваме, у планє поплатац калдерму и на цалей длужини Фрушкогорскей улїци и цалей Роботнїцкей улїци хтора виходзи на Данчову долїну на Ленїнову улїцу, та и часц драги коло цалей долїни на Ленїновей тиж ма буц поплатана.
