БЕОҐРАД – Предсидатель Републичней виберанковей комисиї Владимир Димитриєвич поволал гражданох же би у своїх општинских и городских управох ище нєшка и ютре преверели чи су уписани до єдинственого виберацкого списку и чи їх податки подполно и точно уписани.
Димитриєвич спозорел най гражданє преверя чи маю важаци особни документи, бо од 1. януара того року вецей нє важа стари особни леґитимациї и гласац мож лєм з нову важацу леґитимацию, лєбо з важацим пасошом, чи вожацку дозволу, у хторих єст єдинствене матичне число гражданох.