НОВИ САД – Городска хижа у Новим Саду сообщела же од ютра, 1. марца, гражданє у тей институциї вецей нє годни оверйовац документи, алє то буду мушиц робиц у новтарушох.
Як наведзене, на основи Закона о оверйованю подписох, рукописох и преписох, Городска управа за общи роботи од 1. марца вецей нє будзе мац оверйованє як зверену роботу, понеже спомнути документи буду оверйовац новтаруше.
З тим гражданє подписи, рукописи и преписи вецей нє годни оверйовац у Писарнїци Городскей хижи, анї у трох приємних канцеларийох и месних канцеларийох у сушедних местох.
Слово о месних канцеларийох у Беґечу, Будисави, Буковцу, Ветернику, Катю, Кисачу, Ковилю, Лединцох, Старих Лединцох, Пеїчевих салашох-Немановцох, Петроварадину, Руменки, Сримскей Каменїци, Степановичеве, Футоґу и Ченею.