БАЧИНЦИ – Церква и вирни вчера, 31. октобра, на швето апостола и евангелисти Луки, преславели храмове швето Кирбай, 187. по шоре. Архиєрейску Службу Божу предводзел апостолски еґзарх за грекокатолїкох у Сербиї кир Георгий Джуджар, а сослужели ище єденац паноцове и монсиньор Филипо Колнаґо, перши секретар апостолскей нунциятури у Беоґрадзе.
У казанї пресвящени кир Джуджар бешедовал о живоце апостола и евангелисти Луки хторого спомедзи 70 апостолох вибрал Исус и хтори ширел и наказовал слово Боже. Вон найвецей писал о апостолови Павлови, написал Євангелию и кнїжку о дїлох апостолских.
Церковне шпиванє предводзели о. др Борис Холошняй и о. Михаил Холошняй и домашнї парох о. Дарко Рац вєдно зоз вирнима.
На богослужену були и Олена Папуґа, народна посланїца у Народней скупштини Републики Сербиї, Мартица Тамаш, директорка НВУ „Русле слово“, Ирина Папуґа, спред Дружтва за руски язик, литературу и културу, Слободан Лазаров, предсидатель Совиту Месней заєднїци Бачинци, як и госци зоз вецей наших местох.
После Служби Божей бул традицийни обход коло церкви зоз читаньом Євангелиї, а на концу одшпиване „Многолїтствиє”.
