Гуманитарна зумба за Наташу Ґайдош

автор ртв/ядю
1.2k Опатрене

НОВИ САД –Дружтво спорт за шицких „Партизан 2” и Ана Вуйков Зумба фитнес, орґанизую гуманитарну акцию за Наташу Ґайдош зоз Коцура, хтора у транспортним нєщесцу остала без ноги.

Годзина зумби будзе отримана нєшка од 15 годзин у Партизану, а шицки хтори приду на тренинґ годни до шкатули уруциц добродзечни прилог.

Орґанизаторе поволую гражданох же би пришли и поробели дацо добре за свойо цело, порушали ше зоз латино ритмами и источасно помогли у збераню финансийних средствох за Наташово окрипенє.

Наташа Ґайдош ма нєполни 19 роки, а дожила транспортне нєщесце у хторим на ню з автомобилом вибегнул вожач под уплївом алкоголу кед ишла на бициґли. У нєщесцу Остала без лївей ноги, винята єй шлїжинка и на вецей местох єй зламана лїва рука. Наташу чекаю ище вельо операциї и длуга рехабилитация.

ПОВЯЗАНИ ТЕКСТИ