Гуманитарна програма за Желька

автор злк
1.4k Опатрене

КОЦУР – Вчера, 28. мая, у орґанизациї коцурского Здруженя младих „КУМ“ и ОШ „Братство єдинство“, у Доме култури у Коцуре отримана програма у рамикох гуманитарней акциї з хтору ше збера пенєж за Желька Шанту, школяра другей класи ОШ „Братство єдинство“ з Коцура, котри муши пойсц на операцию очох до Русиї.

Програму отворел Иґор Пушкаш, котри пречитал єдну писню, а потим зоз шпиванку и рецитацию наступели школяре ОШ „Братство єдинство“ Дарина Михняк и Катарина Недич.

До конца програми численей публики у сали Дому култури забавни шпиванки интерпретовали Михаил Рамач з Дюрдьова, Сашо Палєнкаш з Руского Керестура и Саня Дивлякович и Танита Ходак з Коцура.

Уходнїца на програму коштала 100 динари и кажде достал бедж хтори направели школяре з коцурскей Школи. Хто жадал, за уходнїцу могол дац и вецей, а на тим вечаре за Желька назберани 24 000 динари, хтори буду уплацени на рахунок Желькового оца.

ПОВЯЗАНИ ТЕКСТИ