Дзень Руснацох у Горватскей

автор зам
983 Опатрене

ВУКОВАР (ГОРВАТСКА) – У Городским музею у Вуковаре на соботу, 27. мая, будзе Централна преслава Дня Руснацох у Републики Горватскей (РГ), хтору осми раз орґанизує Координация рускей националней меншини РГ. Програма почнє на 19,30 годзин.

За Дзень Руснацох у Горватскей преглашени 25. май, як здогадованє на датум кед основана перша руска грекокатолїцка парохия у Горватскей.

На инициятиву владики крижевского Гавриїла Смичикласа, у Петровцох 25. мая 1836. року отримани сход владикового поверенїка Миколу Ґолаша, заступнїка велможох,  вуковарских ґрофох Елц – Йосипа Смейкала и висланїкох жупаниї Антуна Феєрвария и Ивана Ґвоздановича, на хторим Петровци вибрани за шедзиско новей грекокатолїцкй парохиї. На простори нєшкайшей Горватскей Руснаци ше почали досельовац 1830. року.

Попри о Дню Руснацох, одлука о гербу, застави и шветочней шпиванки Руснацох у Горватскей принєшена 11. сепетембра 2009. року на Совиту за национални меншини РГ, а на предлог Координациї рускей националней меншини РГ.

 

 

ПОВЯЗАНИ ТЕКСТИ