Дзецинска заградка „Герлїчка” випровадзела будуцих школярох

автор злк
732 Опатрене

КОЦУР – У коцурским Доме култури вчера, 8. юния, Предшколска установа „Герлїчка” випровадзела дзеци хтору були у Предшколскей пририхтуюцей програми, односно будуцих школярох, а котри од септембра почню ходзиц до першей класи Основней школи „Братство єдинство”.

На програми котру зоз дзецми пририхтали їх виховательки, дзеци рецитовали, шпивали, танцовали и на барз красни способ ше одпитали од дзецинскей заградки.

ОШ „Братство єдинство” на вовторок, тиж зоз пригодну програму, привита будуцих першокласнїкох.

У Коцуре, у шлїдуюцим школским 2018/19. року до першей класи ОШ ше уписали вєдно 44, а наставу на руским язику буду провадзиц седмеро школяре.

ПОВЯЗАНИ ТЕКСТИ