ҐОСПОДЇНЦИ – Вчера, 6. децембра, у Основней школи „Жарко Зренянин” у Ґосподїнцох, годзина руского язика з елементами националней култури була пошвецена творчосци Миколи М. Кочиша, у рамикох истоменей манифестациї.
Школяре у програми пречитали биоґрафию и вецей твори нашого поету Миколи М. Кочиша, за цо их пририхтала їх наставнїца руского язика Ана Мария Рац, а потим им бешедовала о його найзначнєйших творох.
Пред конєц годзини Ирина Папуґа, секретарка Дружтва за руски язик, литературу и културу, дзецом подаровала школски прибор, а Владимир Салонски спред Подобовей колониї „Стретнуце у Боднарова” им подаровал подобови прибор, а найновши виданя Дружтва подаровани наставнїци руского язика и школи.