Диждж нє розплашел кирбайски вашар

автор мар
1.1k Опатрене

РУСКИ КЕРЕСТУР – Як кажди рок, Кирбай у Руским Керестуре вчера провадзела и богата вашарска часц вонконцом Русинскей улїци, од центру валалу ґу Косанчичу. И попри похмареней хвилї з дижджом, хтори попадовал скоро цали дзень, а пред вечаром и баржей. на кирбайским вашаре було надосц и предавачох рижнородних артиклох и нащивительох.

На Кирбаю було и вельо госцох з других местох, алє и з иножемства, а пополадню у центре валалу на импровизованей бини грал медзи младима популарни „Пицикато бенд”, у хторим Саня Полдруги, Мирон Сивч и Кристиян Няради. После нїх, од 21 г. грал популарни новосадски бенд „Жовти амрели”, у хторим шпива и наш познати вокал и музичар Алексей Сивч.

Отримованє тей програми финансийно помогла Месна заєднїца Руски Керестур, а того року за вашарску часци Кирбаю Месна заєднїца перши раз орґанизовала и професийне обезбедзенє порядку, по предписаньох за явни сходи, а на крижних драгох були попоставяни транспортни знаки за заверанє улїцох дзе бул Кирбай.

ПОВЯЗАНИ ТЕКСТИ