„Днї нового хлєба” буду у Новим Орахове

автор ядю
776 Опатрене

НОВЕ ОРАХОВО – Културна манифестация „Днї нового хлєба”, 17. по шоре, будзе отримана на ютре и на нєдзелю, 25. и 26. авґуста, у Новим Орахове на спортских теренох.

На ютре, 25. авґуста, по приходу змагательох, на 9 годзин почню змаганя у кошарки и фодбалу, а на 16 годзин почню нащивительом барз интересантни „Бависка без гранїцох”. Од 18,30 годзин шицки заинтересовани годни уживац у фитнесу и зумби, а после у диску на отвореним.

На нєдзелю тиж будзе змаганє, алє у вареню паприґашу, док за 14 годзин предвидзене отверанє вистави ручних роботох и вашар. У цалей пополадньовей програми – у „Улїчки за бавенє”, даскельо културно-уметнїцки дружтва отримаю културну програму, по улїцох ше будзе вожиц запраги, годно покоштовац бухти и опробовац ше у стреларству. У програми котра почнє на 19 годзин будзе пошвецени нови хлєб.

На вечар будзе концерт на котрим буду шпивац Зоран Берецки и Жарко Прибакович, а потим шлїдзи улїчни бал.

Орґанизатор Манифестациї „Днї нового хлєба” Месна заєднїца Нове Орахово, рижни спонзоре, културно-уметнїцки и спортски дружтва.

ПОВЯЗАНИ ТЕКСТИ