ПАЛИЧ – Всоботу, 12. авґуста, на Паличу отримани Турнир у одбойки на писку у рамикох Спортских бавискох „Яша Баков”, а победзели домашнї.
На Турнир ше приявели осем екипи – Руски културни центер (Нови Сад), ФК „Искра” (Коцур), КУД „Тарас Шевченко” (Дюрдьов). Дружтво Руснацох Суботици (Суботица), КПД „Драґутин Драґен Колєсар” (Бачинци), Петровци (Петровци, Република Горватска), СД „Русин” (Руски Керестур) и „Папивинґ” Доо (Вербас).
Бавело ше у двох ґрупох, а у конєчним пласману екипох перше место завжала екипа домашнїх, други були одбойкаше з Бачинцох, а треци члени екипи ФК „Искра” з Коцура.