РУСКИ КЕРЕСТУР – Акция „Висла”, бавени филм Стоваришеня Лемкох, його друга часц, у режиї Андрия Копчу, приказани всоботу вечар у просторийох Месней заєднїци, а у орґанизациї Рускей матки (РМ).
Нащивительом филм представел предсидатель Рускей матки Дюра Папуґа, а слово о другей часци филма хтори зняти по историйней подїї насилного висельованя Руснацох – Лемкох до заходней часци Польскей 1947. року, а у другей часци представени початки їх врацаня до старого краю.
Пред проєкцию филма Управни одбор РМ отримал свою схадзку на хторей було поради о наступних активносцох тей орґанизациї, а єдна з нїх то пририхтованє тематскей Скупштини у януару идуцого року. Скупштина будзе пошвецена уключованю членох РМ до Одборох Националного совиту и вообще робота Совиту.
