ЛОНДОН – Нєшка на Шветовим першенству у атлетики у Лондону змаганє у дисциплини дзешецбой починаю найлєпши атлетичаре швета, медзи котрима и Михаил Дудаш.
Дудаша нєшка чека обегованє на 100 метери (11 г.), скаканє до далєка (12,05 г.), руцанє кулї (13,05 г.), скаканє до висока (18 г.) и обегованє на 400 метери (21,45 г.).
На ютре буду змаганя у дисциплинох обегованє на 110 метери з препреченями (11 г.), руцанє диска (12 г.), скаканє з палїцу (15,15 г.), руцанє копиї (18,30 г.) и обегованє на 1 500 метери (21,45 г.).
Шветове першенство почало 4. авґуста, а будзе тирвац по 13. авґуст.