ДЮРДЬОВ – Дочек Нового року у Дюрдьове орґанизовани у вецей погосцительних обєктох и кафичох, алє Дюрдьовчанє и тот рок у звекшого дочекали у своїх обисцох зоз приятелями.
Дзепоєдни младши тот вечар препровадзели у кафичу у Жаблю и Новим Садзе, як и на площи у главним городзе Войводини, а репризу углавним орґанизовано по обисцох.
На явних поверхносцох у Општини Жабель анї того року нє орґанизована нїяке явне вешелє, програма або огньомет, як цо ше у Жаблю уж вецей роки за шором преславює Нови рок по юлиянским календаре, односно 13. на 14. януара.