ЖАБЕЛЬ – Вчера, 11. юния, у центре Жаблю отримане Седме Стретнуце добродзечних огньогасцох Войводини, на хторим демонстровани рижни схопносци огньогасцох. Участвовали члени ДОД од основношколского возросту по найстарших з вецейдеценийним искуством, медзи нїма и члено ДОД Дюрдьов.
Указане як ше повязує и хаснує черева за гашенє огня, як ше хаснує рижни апарати, як ше гаши огень у лєше, сотруднїцтво з полицию, нагла помоц, аж и як випатра випущованє води у фарбох державней застави, а члени ДОД Дюрдьов указали и як ше гаши запалєни авто.
Демонстрованє провадзело вельке число патрачох, а после того шицким ДОД додзелєни подзекованя, дипломи и папмятнїци.
Предсидатель ДОД Дюрдьов Ґоран Берич и член дюрдьовского ДОД Владимир Ковачевич од Огньогасного союзу Сербиї достали одликованє Принц Томислав Карадьордєвич 3. ступня за окремне визначованє и резултати у роботи, а Ковачевич достал и Памятнїцу за дзешец роки активносци у ДОД.
Орґанизатор сходу бул Оньогасни союз Општини Жабель, у сотруднїцтве з Општину Жабель.