РУСКИ КЕРЕСТУР – Екипа „Дюрко и омладина” побиднїки Турнира у кошарки 3 на 3, хтори тирвал од 15. авґуста на кошаркашским терену на пияцу у Руским Керестуре.
Вони у финалу, 24. авґуста, победзели екипу „СФРЮ” зоз 11-10, док треце место освоєла екипа „Руском”, понеже победзела „Цвечки” зоз 16-9.
„Дюрко и омладина” достали 10 000 динари, „СФРЮ” 5 000, „Руском” 3 000 динари, а отримани и наградни бависка у руцаню на кош.
Попри побиднїкох, на тим Турниру, хтори орґанизовал штредньошколєц Борис Югик, бавели и екипи „Цвечки”, „Фреш маркет”, „Летечи Пирожеканци”, „Бостан Селтикс”, „Замало”, „Бифе-бар Фортуна” и „Шимко”.
