ШИД – У Спортским центре у Шидзе, пондзелок, 31. децембра дополадня, Општина Шид и Културно-образовни центер орґанизовали дочек Дзецинского Нового року.
З тей нагоди виведзени дзецински представи „Новорочни театер“, хтору пририхтали мацери дзецох зоз дзецинскей заградки у Куковцох, потим „ Поспани Дїдо Мраз“ Аматерского театру „Бранислав Нушич“ зоз Шиду, тиж и „Вельке обчекованє“ хтору пририхтали виховательки Предшколскей установи „Єлица Станивукович Шиля“ .
„Новорочну иґранку“ виведли ґлумци Мария Тубич и Филип Миличевич, а орґанизована и новорочна журка и „дюсканє“. Дїдо Мраз дзецом подзелєл пакецики, а мини концерт отримала и музична ґрупа „Нєзнїщиви“ зоз Шиду.
