БЕОҐРАД – Републични фонд за здравствене осиґуранє сообщел же активовал електронски сервис за провадзенє статусу продукциї здравствених карточкох, прейґ хторого осиґуранїки можу превериц чи їх карточка виробена.
Сервис доступни на сайту Републичного фонду – www.pio.rs, под насловом ”Преверце чи ваша карточка випродукована”.
Же би осиґуранїк достал повратну информацию о статусу, потребне унєсц свойо ЛБО число и кликнуц на ґомбичку ”Превер”.
Кед сервис да информацию же здравствена карточка направена, осиґуранїк ше ма явиц до матичней филияли же би ю превжал.
Дзекуюци тому сервису, осиґуранїки без одходу на шалтери Републичного фонду годни достац информацию о статусу їх здравственей карточки, гварела о.д. директора Републичного фонду за здравствене осиґуранє Верица Лазич.