БЕОҐРАД – Портал Е-управа вчера обявел же того мешаца означує седем роки роботи, зоз 750 000 активнима хаснователями и з можлївосцу за 800 рижни електронски услоги державних орґанох. Як наведзене, гражданє у тим периодзе вецей як 3,5 милиони раз хасновали услуги на тим порталу.
– Найпопуларнєйша и найхаснованша услуга було реґистрованє транспортней превозки, а после того то заказованє терминох у полицийних станїцох. Вимогу за нову здравствену карточку електронски поднєсли вцей як 250 000 гражданє, а тота услуга источашнє и перша хтора мала опцию випоручованя документу на адресу подношителя, та на тот способ шалтери були заобидзени – пише у сообщеню
У юнию почала и нова функция Е-управи, наменєна шалтерским роботнїком у системи Е-ЗУП.
– З применьованьом услуги Е-ЗУП, з хтору повязани перши шейсц найвекши бази податкох у Сербиї, державни институциї медзи собу годни швидко и ефикасно черац податки, и гражданє нє буду їх поштаре – гварел директор Дирекциї за електронску управу Душан Стоянович.