ДЮРДЬОВ – Штредком прешлого тижня, а тидзень скорей як прешлого року, у дюрдьовским хотаре почала жатва жита. У зависности од файти жита, часци хотара и третированя житарки, розлични и урожай, алє векшином є менши як прешлорочни.
У дюрдьовским хотаре жито того року штреднє плаци коло 33 метери по гольту, за тераз найменши урожай бул коло 20, а найвекши коло 50 метери по гольту и зоз слабшу гектолитерску чежину.
Жито у Дюрдьове одкупюю на штирох местох – у подприємстве за польоприведну продукцию и одкуп „Дьорде Зличич”, у Общей землєдїлскей задруґи „Чуроґ”, Млїну „Суботин” и у „Брамар плус” ДОО Дюрдьов.